Planta habitu A. bakeri, caulibus pilis patentibus paulo reflexis rectis hirsutis. Folia longe petiolata, petiolis 20-30 mm longis, pilis patentibus hirsutis, reniformia, 2.4-3 cm lata, 1.7-2.2 cm longa, fere ad 1/3 radii longit. incisa, 5-loba, lobis parabolicis, utrinque dentibus 5, mediano multo minori, utrinque ± dense pilis brevioribus villoso-hirsutis pilosa. Inflorescentiae simplices vel paulo ramosae, internodiis distantibus, floribus solitariis in axillis bractearum sub-sessilibus, pilosis, 3-3.25 mm latis, 2.5 mm longis. Hypanthium 1.25 mm longum, sepalis ovatis, episepalis iis paulo brevioribus, ovalibus. Stamina 4. Stylus unicus, longissimus, stigmate globoso.
Home