Fruticulus pumilus, ramosus. Caudex ca. 20 mm longus, rami ca. 15 mm longi supra foliis confertis, erectis vel suberectis, interdum apicibus incurvulis instructi. Folia anguste elongato-cuneata vel anguste obovato-elongata, apice rotundata, ad 26 mm longa, 4-5 mm lata, basin versus interdum sub-purpurea, crebro sed parum conspicue opace punctata, sine tomento, supra subtusque convexiuscula, interdum levissime transverse sulcata, stipulis axillaribus paucis, ca. 5 mm longis, albidis, postea griseis, fila-mentaceis instructa. Racemus pauciflorus, bracteae stipulis instructae, paucae, foliaceae, sparsae; inferae foliis similes sed minores, superae deltoideae, acutae. Flos fere carmineus. Sepala late ovata, subacuminata, margine mem-branaceo, ca. 9 mm longa lataque. Petala obovata, apice paullum rotundata, submucronata. nitidula, basin versus supra et praesertim subtus diluta, ca. 9 mm longa, ca. 8 mm lata. Stamina ca. 30, filamenta 4 mm longa, rosea, basin versus subrosea; antherae 1 mm longae luteae. Ovarium ovoideo-conicum, 2 mm longum, viride, nitidum. Stylus 4-5 mm longus, albus, stigmata 3 mm longa, alba. Capsula ca. 9 mm longa, semina haud numerosa, pro ratione magna, brunneuscula, utrieulis albis non papillosis sed minute punctatis instructa.
Home