Frutex ad 75 cm alta, 1.5 m diam., caulibus veteribus nudis cicatricibus foliorum asperis, junioribus in partibus inferioribus foliis deflexis emortuis, superne foliis virentibus etiam deflexis, summo foliis novis patentibus albo-tomentosis. Folia c. 10-15 x 1 mm linearia, utrinque primum albo-tomentosa, supra lana mox caduca nitentia papillis minutis praecipue ad margines et apicem ornata, subtus in sulco persistenter albo-tomentosa, apice acuto mucronato, marginibus revolutis. Capitula sessilia, apicibus ramulorum solitaria, mox innovationibus superata. Involucrum 11 mm longum, bracteis pallide brunneis breviter scabro-pubescentibus, marginibus ad apices paulo laceratis. Flores omnes lutei; ei radii feminei, limbo c. 7 x 2.5 mm; ei disci hermaphroditi corolla 6 mm longa. Achenia 2.5 x 1 mm, cylindrica, 10-costata, villosa. Pappus e setis 20-25 scabridis floribus disci aequilongis persistentibus compositus.
Home