Annua. Folia arcte rosulata, radiato-patentia, glabra; petiolus 0.5-2.5 cm longus, basin versus ad 1-1.5 mm dilatatus, lamina primariorum integra, elliptica vel ovato-elliptica, ca. 0.5 cm longa, 0.23 cm lata, ulteriorum pinnati-partita pinnis utrinque 1-ad 5-nis oblique ovatis vel suborbicularibus, lamina tota 0.5-1.8 cm longa, 0.3-0.4 cm lata, parte terminali quam pinnae laterales ampliore. Flores minuti inconspicui, sessiles, petiolorum basibus foliisque nascentibus fere occulti. Calyx 2.5-3 mm longus, 1.5 mm latus, tubus obconicus vel subovoideus, subhyalino-membranaceus, glanduloso-lanuginosus, lobi tubo dimidio breviores, triangulares, herbacei virides, nonnunquam recurvati. Corolla 2.2-3 mm longa, 1.2 mm lata, extus parce pilosa atque glandulis fere sessilibus praedita, lobi triangulares apice obtusiusculi, circ. 0.6 mm longi. Stylus corollam aequans.
Home