Cliffortia acutifolia Weim.

Frutex 2-pedalis (e Levyns). Rami in partibus junioribus cortice rubiginoso nitidulo parce et breviter albo-piloso in partibus veterioribus cortice cinereo opaco glabro praediti; internodii 10-15 mm longi; ramuli abbreviati dense foliati interdum in ramos elongatos mutati. Folia simplicia; vagina 1-3 mm longa amplectens, marginibus connatis, coriacea extus parce albo-pilosa-prope glabra; stipulae ad 5 mm longae acuminatae breviter ciliolatae; lamina 20-25 mm longa 4-6 mm lata lanceolata-subcuneato-lanceolata acuta-acuminata integra vel saepe utroque latere 1-2-dentata coriacea utrinque viridis supra enervosa nitida subtus prominenter nervosa, nervo medio crasso, nervis lateralibus utroque latere 2-4 debilioribus, nitidula. Flores [male] ignoti. Flores [female] sessiles; bracteolae 4-5 mm longae latissime amplectentes cochleariformes subacutae-subobtusae carinatae, nervo mediano breviter pilosulo; receptaculum c. 7 mm longum 2.8 mm crassum oblongo-obovoideum leviter costatum rubiginosum nitidum glabrum; sepala 3 c. 3 mm longa ovata apiculata foliacea-subcoriacea viridia; achenium c. 5 mm longum oblongum; stigma e receptaculo ad 5 mm prominens ramosissimum rubrum.