Cliffortia crenata L.F.

Frutex 1-1.5 m altus. Rami et ramuli cortice murino-rubiginoso glabro nitido vel subpruinoso praediti. Folia bifoliolata; vagina brevissima ad 0.5 mm longa amplectens; stipulae in laminam unam coriaceam viridem ovatam-suborbicularem magnitudine valde variabilem 2-6 mm longam 1.5-4 mm latam connatae; foliola oblique reniformia-suborbicularia 10-18 mm longa 15-25 mm lata viridia-glaucescenti-viridia supra nitidula obscure nervosa subtus opaca evanescenti-venosa, margine aequaliter crenulato. Flores [male] solitarii vel bini vel terni in axillis foliorum insidentes, pedicellis c. 1 mm longis; bracteolae c. 2 mm longae scariosae enervosae obovatae glabrae; sepala 3 vel raro 4, basibus breviter connatis, 6 mm longa 4 mm lata spathulato-obovata obtusa-subacuta foliacea fulva utrinque glabra; stamina c. 30, antheris 1.5 mm, filamentis 3-4 mm longis. Flores [female] brevissime pedicellati; bracteolae 2-2.5 mm longae amplectentes ovatae enervosae glabrae; receptaculum oblongo-cylindricum 4 mm longum 1.2-1.4 mm crassum laeve glabrum; sepala 3 oblongo-obovata 3-3.5 mm lata persistentia erecto-patentia glabra; stigma ignotum.