Cliffortia filicaulis Schltdl.

Fruticulus decumbens et gracilis. Rami et ramuli internodiis 3-10 mm longis cortice primo ± dense canescenti-villoso deinde glabrescenti praediti; ramuli abbreviati 2-10 mm longi vaginis foliorum inclusi. Folia 3-foliolata; vagina 1-2 mm longa amplectens extus canescenti-villosa, stipulis 1.5-2 mm longis triangularibus acutis ciliatis foliaceis; foliolum medium 2-4 mm longum 2-3 mm latum obcordatum-obovatum apice trilobatum utrinque ± dense et longe canescenti-villosum; foliola lateralia 2-4 mm longa 1-5 mm lata acuta vel obtusa integra ceterum ut foliolum medium figurata. Flores [male] sessiles; bracteolae 3 mm longae acutae ciliatae, nervo medio piloso; sepala 4 lanceolato-linguiformia 2.5-3.5 mm longa 0.6-0.9 mm lata obtusa extus sub apice pilosa; stamina 8, antheris 0.6-0.8 mm, filamentis 4-5 mm longis. Flores [female] sessiles; bracteolae amplectentes 2.5 mm longae mucronulatae ciliatae, nervo medio piloso; receptaculum ovoideum 1-1.5 mm longum 0.6-0.7 mm crassum laeve ecostatum glabrum; sepala 4 obovato-oblonga 1.7-2 mm longa 0.5-0.6 mm lata mucronulata extus sub apice pilosa; stigma e receptaculo c. 3 mm prominens ramosum rubiginosum.