Fruticulus, stirpe ad 0.8 m longa decumbente ramosa; rami filiformes glabri vel adpresse pilosi, internodiis ad 1 cm longis. Folia 3-foliolata; vagina 0.3-1 mm longa extus pilosa, stipulis 1.2-2 mm longis acuminatis ciliatis; foliolum medium 3-6 mm longum et latum spathulatum-subcordatum apice 3-dentatum, dente medio minore acuto-subacute, dentibus lateralibus saepissime obtusis, tenue glabrum supra viride subtus viridi-glaucescens, nervis subtus prominentibus; foliola lateralia 3-6 mm longa 1.5-4 mm lata oblique oblonga-obovata apice obtusa vel apiculata integerrima ceterum ut foliolum medium figurata. Flores [male] sessiles; bracteolae 1.5-2 mm longae amplectentes acutae ciliatae; sepala 4 c. 4 mm longa 1.3-1.5 mm lata oblonga acuminata apice recurvata glabra; stamina 8, antheris 0.7-0.8 mm, filamentis c. 5 mm longis. Flores [female] sessiles, bracteolis ut in [male]; receptaculum c. 3 mm longum oblongum bisulcatum fulvum glabrum; sepala c. 2 mm longa lanceolata-lineari-lanceolata recurvata acuta glabra; stigmata 2 c. 2.5 mm e receptaculo prominentia rubra; achenia 2, 2.5-2.8 mm longa 0.5 mm crassa straminea.
Home