Cynoglossum austroafricanum Hilliard & B.L.Burtt

Herba hispida, perennis vel biennis(?), radice palmari valido usque ad 1 cm diam.; caulis ad 1 m altus inflorescentia inclusa, ad c. 5 mm diam., simplex vel e basi ramosus, foliatus. Folia radicalia tempore florendi emarcida; lamina ad 170 x 25 mm, elliptica, utrinque attenuata, parte petiolari ad 25 mm longa; folia caulina plerumque 50-100 x 8-20 mm in bracteas gradatim minores in inflorescentia transeuntia, lanceolata, apice acuta, basi angustata. Inflorescentia paniculata, bene ramosa. Flores numerosa. Calyx fere ad basin 5-lobus; lobi c. 2-3 x 1.75-2.5 mm sub fructu, anthesi paulo minores, late elliptici, obtusi, intus glabri, extra hispidi. Corolla 2.75-4.25 mm longa; tubus lobis aequalis, extra glaber, intus zona papillarum basali 0.5 mm lata; lobi 1.5-2.5 x 1.5-2.5 mm suborbiculares, vivide caerulea, glabra, fornicibus 0.5-0.75 x 0.75-1.25 mm plus minusve oblongis paulo bilobis extra papillosis orem tubi vix occultantibus caeruleis. Stamina 5, inclusa; filamenta e triente tubi superiore orientia, c. 0.25-0.3 mm longa; antherae 0.75-1 mm longae. Stylus fructus 1.5-2 mm longus. Nuculae 3-3.5 x 2.5-3 mm, ambitu ovatae, leviter dorsoventraliter compressae, immarginatae, glochidiis columnaribus dense armatae, cicatrice deltoidea c. 0.5 x 1.25 mm, cum fascia styli caducae.