Cynoglossum spelaeum Hilliard & B.L.Burtt

Herba perennis radice palari 10 mm usque diametro; caules foliis radicalibus axillares, 1 mm usque alti, inferne simplices, superne ramosi, herbacei, pilosi, foliati. Folia radicalia rosulata (rosula centrali persistente), usque ad 40 x 5 cm; lamina elliptica utrinque angustata regioni petiolari aequalis vel ea paulo brevior, apice acuto vel subacuto mucronato, marginibus integris vel obscure serrulatis, utrinque pilis basi leviter bulbosis praedita; caulina similia sed sursum mox sessilia et magnitudine cito decrescentia. Inflorescentia paniculam magnam laxam patentem corymbosam formans; pedicelli filiformes, anthesi 5 mm longi, sub fructu usque ad 20 mm et reflexi. Calyx fere ad basin 5-lobus; lobi c. 2 x 1.5 mm, sub fructu ad 5 x 3 mm ampliati, lanceolato-oblongi vel ovato-oblongi, apice acuto vel subacuto mucronato, dorso et marginibus asperiter pilosi, intus glabri. Corolla alba, tubo cylindrico c. 2 x 2 mm; fornices leviter bilobi, obtusi, dense papillosi; lobi 5, c. 3 x 3 mm, patentes, suborbiculares. Stamina e medio tubo orientia, inclusa, filamentis minus quam 0.5 mm filiformibus, antheris 0.75 mm obtusis. Ovarium 4-lobum, in receptaculo plano; stylus 0.75 mm, crassiusculus, stigmate subcapitato. Nuculae c. 5 x 4 mm, plus minusve pyriformes, supra vix convexae carina media et margine elevato praeditae, infra plus minusve rotundatae cicatrici triangulari in dimidio superiore, carina margine et pagina inferiore glochidiatis, ceterum supra pilis basi bulbosis praeditae.