Didelta carnosa Aiton

Herba perennis saepe suffrutescens erecta vel adscendens ramosa, cr. 10-100 cm alta; planta in collo saepe fragmentum receptaculi gerens, e quo planta germinabat. Caulis et rami glabri vel tomentosi, foliati internodiis sub capitulis saepe ± elongatis. Folia alterna infimis interdum oppositis exceptis, sessilia, ± carnosa, anguste lineari-oblonga vel oblongi-obovata, basin versus angustata, (2-)3-6(-10) cm longa, 3-12(-30) mm lata, apice obtusa vel subacuta, margine plana, integerrima, inermia, supra et subtus glabra vel tomentosa. Capitula ligulis expansis (3-)4-7(-9) cm diam. Inyolucri squamae regulariter biseriatae, plerumque glabrae vel subglabrae, rarius ± tomentosae, exteriors 3-5, foliaceae, ovati-triangulatae, 15-35 mm longae, 10-30 mm latae, apice acutae vel subobtusae, margineintegerrimae, inermes vel subinermes; interiores ante exteriores ternis (rarius quaternis) dispositae, ovati-lanceolatae vel lineari-lanceolatae, 10-25 mm longae, 2-10 mm latae, apice in spinam usque ad cr. 1 mm longam excurrentes, margine spinis similibus obsitae, rarius inermes, magnitudine inter se aliquantum inaequales (medianae ternorum minores quam laterales). Receptaculi partes marginales profunde alveolatae, achaenia matura tota includentes pappo plerumque incluso, parietes valde incrassatae et lignescentes, earum margines spinis validis usque ad 5 mm longis fuscis obsitae et ceterum leviter tomentosae; partis centralis parietes membranaceae, earum margines inermes. Achaenia in parte centrali abortiva, in partibus marginalibus normalia, glabra. Pappi squamae uniseriatae, cr. 10-15, lineari-subulatae, margine denticulatae, usque ad 1.5 mm longae.