Herba annua pubescens, radice fasciculata. Caules plures 20-50 cm alti graciles trigoni, sub inflorescentia 2-3-nodosi. Folia vagina tubulosa 1-3 cm longa ore contraligula membranacea 2 mm longa cincta. Lamina linearis 3-11 cm longa, 3-5 mm lata. Inflorescentia e 2(-3) paniculis corymbosis constituta. Spiculaedense subcapitato-confertae 6-10 mm longae 2-3 mm latae conoideae squarrosae. Squamae ovatae ca. 1.5 mm longae, apice in mucronem excurvatum 1 mm longum productae, concavae membranaceae haud carinatae dorso trinerves, basin versus stramineae, sursum pallide nigrescentes. Setae hypogynae exteriores 0, seta interior unica asymmetrica, faciem dorsalem unam achaenii adspectans, stipe 0.25 mm alto, lamina maturitate in vesiculam cavam ovoideam, 0.5 mm longam et latam, 0.4 mm altam, brunneam, ore truncatam, evoluta. Achaenium triquetrum obpyramidatum apice mucronatum, 0.9 x 0.5 mm, faciebus laevibus nitidis laete brunneis.
Home