Suffrutex nanus, 5-15 cm altis, stolonibus lignosis subterraneis caules caespitosos emittentibus; caules simplices vel ramosi, tenuiter pilosi vel glabrescentes, omnino foliati vel basin versus nudi et cicatricibus foliorum asperi. Folia conferta, alterna, plerumque 9-10 x 1.5-2.5 mm, lineari-lanceolata, acuta, basi angustata, primum subtus tenuiter pilosa, demum marginibus ciliatis exceptis glabra. Flores solitarii, raro geminati, ex acillis foliorum. Bracteolae c. 3 x 1.25 mm, oblongo-lancolatae, dorso tenuiter pilosae. Calyx pallide ochroleucus; tubus c. 5 mm longus, apice basique 1.5 mm diam., medio ad 0.75 mm constrictus, appresse pilosus. Petala 8 vel 10 vel saepe absentia, interdum per paria inter se coalita, 0.75 x 0.5 mm, elliptica, carnosa, flava. Antherae 8 vel 10, minus quam 0.5 mm longae. Ovarium 1.25 x 0.5 mm; stylus 2.25 mm longus, stigmate capitato. Fructus 2.5 x 1.5 mm, nigro-brunneus, in basi calycis persistente inclusus.
Home