Hermannia bicolor Dinter & Engl.

E basi multiramosa, radice longissima perpendiculari, ramis adscendentibus 2.5-3.5 dm longis, ramulis erectis glabris multifloris, internodiis circ. 1 mm longis. Foliorum stipulae elongato-triangulares circ. 2 mm longae, petiolus 3-4 mm longus, lamina glabra anguste lineari-oblonga, 1.5-2.5 cm longa, 4-5 mm lata, remote grosse serrata. Pedunculi tenues 1-2-flori, 1-1.5 cm longi, supra medium bibracteolati. Flores nutantes; calycis turbinati tubus fere 2 mm longus, sepalorum partes liberae triangulares 3.5 mm longae, 1.6 mm latae; petala oblonga ima basi tantum marginibus involuta, 6.5 mm longa; staminum filamenta ima basi cohaerentia gynophoro adnata, ad medium usque cuneata, lamina transverse callosa circ. 1 mm lata, angusta, breviter pilosa, e medio in partem subulatam contracta, antherae anguste lanceolatae 4.5 mm longae; ovarium obovoideum, breviter et parce pilosum, 5-lobum 2 mm longum; stilus elongato-conoideus, subulatus, breviter pilosus, 5 mm longus.