Heterorhachis aculeata (Burm.F.) Roessler

Frutex ramosus, fide collect, cr. 30-60 cm altus. Rami albi-tomentosi, ± dense et aequaliter foliati. Folia rigida, sessilia, semiamplexicaulia, in parte basali cauli adpressa, 3-5(-8) cm longa, pinnatifida rhachide in parte basali 4-6 mm lata, laciniis lineari-subulatis in spinam fulvam acuminatis in iugo apicem folii verso cr. 15-20(-30) mm longis 2-3(-5) mm latis parte terminali rhachidis aequilongis et conformibus cum laciniis multo minoribus geminatis, in iugis basin folii versus sequentibus cito breviores et denique ad spinas reductis, margine revoluta, supra leviter vel levissime tomentosa, glabrescentia, subtus albi-tomentosa, rarius subglabra. Capitula ligulis expansis 3-5(-6) cm diam. Involucri squamae patentes, extus leviter tomentosae vel subglabrae, intus subglabrae vel glabrae, ± manifeste triseriatae, exteriores et mediae anguste triangulati-lanceolatae, interdum ovati-lanceolatae, apice in spinam 1-3 mm longam acuminatae, margine in parte basali vel in basi ipsa spinis similibus in 1-2 iugis dispositis (interdum in dentibus brevibus insertis) obsitae, exteriores (6-) 10-12(-15) mm longae, 2-5(-7) mm latae, mediae 15-20(-25) mm longae, 3-5(-8) mm latae, interiores lanceolatae vel ovati-triangulatae, (4-)6-10 mm longae, 2-3 mm latae, apice acutae, in apinam cr. 0.5 mm longam excurrentes, interdum vix spinosae, margine spinulis brevissimis vel fimbriolis ciliatae.