Planta annua e basi ramosa, caulibus adscendentibus vel erectis, adpresse strigillosis. Stipulae lineares, 1-2 mm longae. Folia ad 5 cm longa, imparipinnata, 7-9-foliolata, petiolo 10-25 mm longo, foliolis oblongis vel ellipticis, usque ad 25:6 mm longis et latis, basi subcuneatis, apice rotundato mucronulatis, superne sparsius, inferne densius pilosis. Inflorescentiae dense racemosae axillares, sessiles, 10-35 mm longae, usque ad 30-florae. Calyx ad 4 mm longus, profunde divisus, tubo brevissimo, dentibus setaceis strigillosis. Vexillum 4.5:2.5 mm longum et latum, superne omnino pilosum; alae 3:1 mm; carina 5:1.5 mm longa et lata, margine inferiore sparse pilosa. Legumen usque ad 25:2-3 mm longum et latum, modice, sed distincte compressum, leviter curvatum, marginibus aliquantum incrassatum, maturum obscure bruneum vel nigrescens, sublucidum, faciebus subdense strigillosum, 6-8-spermum, seminibus subquadratis, fuscis.
Home