Herba 30-60 cm. alta. Caules erecti, ramosi, basi lignosi, dense setulosi; setulae patulae, subflaccidae, apice minute glanduliferae. Folia 1-2 cm. longa, brevissime petiolata, imparipinnata; foliola opposita, 2-3-juga, 0.4-1.2 cm. longa, 1.5-4.5 mm. lata, oblonga, utrinque acuta vel obtusa, apice mucronata, utrinque pilis adpressis medio atlixis parce pubescentia, rhachi in costa infra et interdum marginibus plus minusve setulosa. Stipulae subulatae, 1.5-6 mm. longae. Racemi axillares, pedunculati, 3-6-flori; pedunculi 1-2.5 cm. longi, setulosi; partes floriferae 4-6 mm. longae. Bracteae subulatae. Pedicelli brevissimi, subglabri. Calyx profunde 5-lobus, setulosus; tubus vix 1 mm. longus; lobi 3 mm. longi, subulati. Corolla 4 mm. longa; vexillum orbiculari-ovatum, breviter unguiculatum, dorso pilis adpressis medio affixis minute pubescens; alae oblique subspathulato-obovatae, obtusae, glabrae; carina acuta, apice parce puberula. Legumen lineare, pilis minutissimis medio affixis adpresse puberulum et plus minus setulosum.
Home