Herba perennis, habitu L. prostratae, Benth., similis sed paene ubique glabra et minus diffusa. Folia trifoliolata; petioli ad 6 mm. aut saepissime breviores, complanati, supra paullulo sulcati; foliola late subobcordata aut fere rotundata, terminalia sessilia, 6 mm. longa vel breviora, lateralia perbreviter petiolulata, terminalibus duplo minora, vix nervata, subcoriacea, siccantia fere nigrescentia; stipulae binae? late subulatae, 1 mm. haud superantes. Flores folio oppositi, singuli, longe pedunculati, flavidi?; bracteolis aperte obsoletis; pedunculus ad 45 mm. altus aut brevior. Calyx ad 5 mm. longus, dentibus superioribus (4) late deltoideis 1-1.5 mm. longis, inferiore simili nisi paulo angustiore et longiore. Vexillum longe unguiculatum, in toto 12 mm. altum, lamina anguste (transverse) reniformis, ungui rigidiore brevior; alae unguiculatae, lamina ungui fere aequali, late oblonga, obtusa, e basi fere truncata; carina alis similis, nisi paullulo longior latiorque. Ovarium 7 mm. longum, rectum, glabrum, stylo arcuato-geniculato brevius. Legumen ignotum.
Home