Herba parva annua in statu florendi 6-10 cm alta. Caules a basi ramosi, rami patuli adscendentes apicem versus cum foliis parce glanduloso-puberuli, basin versus glabrati. Folia cum petiolo 10-18 mm longa, 2.5-6 mm lata subovata serrata, floralia decrescentia integra. Florum pedicelli 8-10 mm longa. Sepala subinaequalia ovata margine glanduloso-ciliolata 2.5-3 mm longa, 0.8-1.5 mm lata. Corolla extus purpureo-violacea intus alba ad faucem flava, basi sacco 2.5-3 mm longo, circ. 4.5-5 mm lato ornata, labii superioris segmenta lateralia 3 mm longa, 2.5 mm lata, mediani aequilongi bifidi lobi circ. 1.8 mm lati; labium inferius conspicue emarginatum 4.5 mm longum et latum, a palato ad basin sacci crista barbata ornatum. Stamina ad filamentum minute glandulosa majora 2-3 mm longa, minora 1-1.5 mm longa. Ovarium glabrum 0.7 mm longum, stylus 0.5 mm longus.
Home