Herba perennis caespitosa, radice lignescente; caules erecti, simplices vel inferne ramosi, ad 20 cm alti (infructescentibus elongatis), inflorescentia excepta glabri. Folia glabra, plerumque 8-30 x 4-14 mm, lanceolata vel subacuta basi cuneata, marginibus serratis; petioli usque ad 5 mm longi, sursum decrescentes; folia summa sessilia in bracteas inflorescentiae transeuntia. Racemi simplices, terminales, laxe multiflori, axi glanduloso-pubescente. Bracteae foliaceae sursum cito decrescentes, glanduloso-pubescentes. Pedicelli ad 17 mm longi, glanduloso-pubescentes. Calycis lobi anthesi 3-5 x 1-1.5 mm, 3 posteriores quam 2 anteriores paulo longiores, elliptici, obtusi, extra glanduloso-pubescentes. Corollae tubus c. 1-5-2.5 mm longus; calcar 1.5-2.5 mm longum, luteum, ad orem utrinque area auriantiaca papillosa notatum; labium posticum 9.5-12 mm longum, lobis lateralibus oblongo-ellipticis 5-6 x 5-6 mm, lobo mediano c.7 x 9 mm profunde in lobis oblongo-ellipticis duobus c.5-6 x 4.5-5 mm fisso, pallide lilacinum, basi medio area lutea notatum; labium anticum c. 8-10 x 8-10 mm, emarginatum, ad medium palato elevato convexo, glabrum, post palato (hypochilo) et ad orem calcaris glanduloso-puberulum, pallide lilacinum; venae ad bases utriusque labii interdum purpureae. Stamina erecta; filamentis anticis c.3 mm longis circum postica c.1.5 mm longa tortis. Ovarium c.1.5 x 1 mm; stylus 1 mm longus stigmate truncato. Capsula 6-11 x 5-6 mm, marginibus apicalibus e stylo angulo 30° ascendentibus. Semina elliptica, pallida, c.1.5 x 0.5 mm, valde mamillata, ala membranacea 0-75 mm lata circumcincta.
Home