Nemesia rupicola Hilliard

Herba ramosa, fortasse breviter perennis, c.30-75 cm alta, glandulis subsessilibus in petiolis pedicellis caulibus juvenilibus calycis lobis exceptis glabra. Caules quadrangulares, partibus veteribus tantum lignosis, crebre foliati. Folia opposita, patentia; lamina plerumque 20-45 x 10-20 mm, late lanceolata vel ovata, marginibus grosse et acute dentata, apice acuta, basi late cuneata, petiolo c.5-15 mm longo sursum decrescente, foliis summis interdum subsessilibus. Racemi terminales saepe paniculati, multiflori, floribus plerumque duobus interdum pluribus approximatis. Bracteae inferiores foliaceae, sursum celeriter decrescentes. Pedicelli c.10-20 mm longi, filiformes. Calycis lobi lineares vel anguste elliptici, 3 postici anthesi (2.5-)3-3.5 x 0.5-0.75 mm, 2 antici paulo breviores latioresque, omnes sub fructu paulo elongati. Corollae tubus c.2 mm longus in calcar (2-)2.5-3(-4)mm longum productus, bullis in hypochilo ad orem calcaris nullis; labium posticum c.6-9 mm longum, lobis lateralibus 2 oblongis c.4 x 2.5 mm, lobo mediano c.5 x 3 mm in lobulos 2 oblongos 4.5 x 1.5 mm alte fisso, vel album vel pallide roseum vel laete violaceum, venis purpureis, area mediana lutea ad basin labii praeditum; labium anticum uti posticum coloratum, c.6-11 x 7-9 mm, leviter emarginatum, undulatum, medio in palatum convexum longitudinaliter sulcatum luteum dense papillosum elevatum, papillis in fundum tubi et in calcar extensis. Stamina erecta; filamenta antica c.2.5 mm longa basi circum postica 1.5 mm longa torta; antherae c.0-5 mm longae. Ovarium 1.5 x 1 mm; stylus 0.5 mm longus; stigma truncatum. Capsula (5-)7-12 x 4-7 mm, angulo apicali c.30°; semina 1.5 x 0.5 mm, elliptica, testa verrucosa, alis marginalibus semini aequilatis.

It is a subtropical plant.