Osteospermum karooicum (Bolus) Norl.

Frutex usque 1 m altus odore aromatico; rami vetustiores valde lignosi robusti usque 7 mm crassi cortice griceo glabro ± rimoso obtecti; ramuli saepius abbreviati dense foliati glabri vel rarius in axillis foliorum parum lanati. Folia alterna coriacea glabra laevia vel interdum parce glanduloso-asperula linearia-oblanceolato-linearia 1.5-4 cm longa 0.2-0.8 cm lata apice acuta calloso-mucronata basi angustata subsemiamplexicaulia margine integerrima subcallosa; nervus medius subtus elevatus, interdum nervi laterales utrinque 1(-2) ± conspicui. Capitula in apicibus ramulorum solitaria pedunculata; pedunculi 2-12 cm longi striati rigidi parce glanduloso-puberuli bracteis 1-3 linearisubidatis 2-8 mm longis laxissime instructi. Involucri squamae subuniseriatae-biseriatae c. 20-25, exteriores lineares-anguste lanceolatae 3.5-4 mm longae c. 0.5 mm latae, interiores lanceolatae 5-6 mm longae c. 1 mm latae, omnes acutae-acuminatae per medium dorsum pallide virides parce glandulosae margine albido-scariosae ciliolatae. Flores radii c. 15; ligulae aurantiacae-flavae involucrum 2-plo super-antes; flores disci flavi numerosi. Achaenia dimorpha: plurima 3-alata, pauca (1-3) exalata, haec interdum desunt; achaenia alata 5-7 mm longa cavernulam nullam includentia; alae rigide membranaceae saepe irregulariter laceratae 1-2 mm latae; latera inter alas transverse rugosa sulco longitudinali vix conspicuo instructa; achaenia exalata elongatotriangularia apice in rostrum solidum ± longum producta.