Floriferum 12-15 cm altum. Tuber rotundatum vel rotundato-oblongum, 1-3 cm crassum. Folia numerosa, cum petiolis usque 9 cm longa; lamina breviter hirsuta, demum autem pilis sparsioribus vix hirsuta, usque 5 cm longa, 3 cm lata, ambitu ovata, profunde pinnatilobata vel parte inferiore folii usque ad rachim pinnatipartita; lobi grosse incisi, lobulis obtusiusculis; petiolus lamina brevior, tomentoso-hirsutus. Stipulae usque ad 3/4-4/5 petiolo adnatae; partes liberae 5 mm longae, subulatae, pilis hyalinis hirsutae. Umbella composita, unica vel non raro plures. Pedunculi 3 1/2-7 1/2 cm longi, 1 1/4-1 1/2 mm crassi, dense tomentoso-pubescentes, 12-15-flori. Bracteae lineari-subulatae vel subulatae, acutae, 5 mm longae, hirsuto-villosae. Flores sessiles. Calyx tomentoso-subviscidus; calcar sepalis 1 1/2-2-plo longius, 10-15 mm longum, fere crassiusculum, sepala versus ± sensim ampliatum; sepala anguste lanceolata, acutiuscula, 7-9 mm longa. Petala sepalis 1 1/2-1 3/4-pl longiora, alba, lineari-spathulata, apice rotundata, basi carmineo-picta.
Home