Floriferum 8-10 cm altum. Tuber ovale, saepe 8 mm crassum et 15 mm altum. Foliorum lamina 15-18 mm longa, 6-9 mm lata, exs. ± tenuiter papyracea, ± late ovata, an-tice rotundata, basin versus sensim in petiolum angustata vel non raro fere rotundata, utraque facie pilis latis mollibus albidis vix dense obsita, margine undulato-crenulata; petiolus laminae circ. aequilongus, satis tenuis, exs. 1/2 mm crassus, pilis simplicibus usque 1 mm longis hirsutus. Umbella parum composita, scapo communi usque 4 cm longo suffulta. Pedunculi 2-2 1/2 cm longi, 3/4 mm crassi, pilis patulis setiformibus longis albidis sparsim obsiti, 3-5-flori. Bracteae lineari-lanceolatae, 4-5 mm longae, 1-1 1/2 mm latae, acutae, hirsutulae. Flores sessiles. Calyx pilis albidis hirsutulus; calcar 2-3 cm longum; sepala lineari-lanceolata, acuta, 5 mm longa, 1 1/2 mm lata. Petala sepalis usque 2 1/2-plo longiora, e basi unguiculata lanceolato-spathulata; duo superiora roseo-purpurea; tria inferiora pallidiora. Pistillum sepalis fere 2-plo brevius.
Home