Suffruticosum, 10-20 cm altum. Caulis inferne sparsim suffruticoso-ramosus, sublignosus, basi 3-4 mm crassus, basi foliis denudatus, superne densissime foliatus. Foliorum lamina ambitu lineari-lanceolata, cum petiolo (a lamina difficulter discernendo) 4-13 cm longa, 3/4-2 cm lata, indumento brevi aspera, usque ad rhachim veram pinnata, pinnis late ovatis numerosis intense pinnatifido-incisis, lacinulis lineari-oblongis obtusiusculis vel acutiusculis; petiolus indumento brevi setosiusculo scaber. Stipulae liberae, basi 1 1/2-2 mm latae et late deltoideae, turn abrupte contractae et fere subulatae; partes subulatae deciduae, acutiusculae. Inflorescentia saepe pseudo-paniculiforinis; saepe autem umbella composita. Pedunculi axillares, caulini, 1 1/2-2 1/2 cm longi, 1-3-flori, pilis hyalinis pro parte latis asperi. Flores sessiles. Bracteae ovatae, obtusae, mox membranaceae, hispidulae, 4 mm longae, 2 1/2-3 mm latae. Calyx primo hispidulus, demum fere glabrescens; calcar 6-10 mm longum, sub sepalis non ampliatum; sepala ovato-oblonga vel oblonga, obtusiuscula, 7 mm longa, 2 1/2 mm lata. Petala sepalis 2-2 1/2-plo longiora, usque 17-20 mm longa, e basi longe unguiculata elongato-spathulata, apice emarginata(?), albida(?). Fructus 33 mm longus; rostrum pilis brevibus albidis patentissimis hispidum.
Home