Nomen tantum in sched. Inter affines (praesertim P. henslovii Robs.) haec species distinctissima et statim discernenda vaginis cataphyllaribus in tubum amplum 3-10 mm. longum connatis, foijis spicisque neglectis. Fruticulus dioicus circa 2.5 m. altus, ramis dichotomis teretibus; internodiis 4-8 cm. longis. Vagina cataphyllaris 3-10 mm. longa, tubulosa, in dentes 2 latos rotundatos divisa. Folia obliqua, ovato-lanceolata, basi vel obtusa vel cuneata, apicem versus longe attenuata, imo apice ex indole cuta, crasse coriacea, siccitate marginibus undulata, obsolete palmatinervia aut avenia, 8-12 cm. longa, 2-4.5 cm. lata; petiolis crassis, circa 1 cm. longis. Spicae 2-3-nae in axillis, graciles, 3-4-articulatae, 3-5 cm. longae; pedunculis 8 mm. longis; articulis plus minusve 1 cm. longis, 4-seriatim 6-14-floris; floribus femineis. Baccae elongatae, perigonio clauso coronatae, 5-6 mm. longae.
Home