Herba perennis ad 50 cm alta, caudice lignoso basibus foliorum fibrosis coronato; caules florentes solitarii infra inflorescentia simplices, praeter pilos gossypinos in axillis foliorum et bractearum et interdum in sulcis caulis praeterque pilos paucos minutos glanduloso-capitatos glabri, in parte inferiore foliati. Folia pro parte maxima radicalia, 70-120 x 15-25 mm, triente petiolari; lamina elliptica, apice obtuso vel subacuto, basi in partem petiolarem valde attenuata, marginibus crebre et minute callosa-denti-culatis, glabra, parte petiolari pilis paucis gossypinis vel fere glabra; folia caulina similia sed sessilia, angustiora, remota, in bracteas lanceolato-acutas mox transeuntia. Capitula radiata, c. 15-30 in panicula corymbosa compacta. Involucrum campanulatum; bracteae c. 12, 5-6 mm longae, glabrae; bracteae calyculi paucae, breves, marginibus minute ciliatis, pilis gossypinis etiam interdum adsentibus. Flores radii 5, limbo c. 6 x 3 mm vivide luteo. Ovaria glabra; achenia haud visa.
Home