Herba perennis, 60 cm alta; caulis robustus, fistulosus, basi c. 8 mm diametro, inferne simplex, superne in inflorescentiam compositam ramosus, pilis albis multicellularibus glandulosis villosis, foliatus. Folia radicalia anthesi emarcida, primum rosulata, spathulata, ad 8 x 4 cm (immatura), marginibus obscure dentatis, crassa, glanduloso-pilosa; caulina ad 30 x 7 cm, sursum decrescentia, spatulata, ad basin petiolarem latam angustata, suprema sessilia, semiamplexicaulia, apice obtusa, marginibus grosse et irregulariter dentatis, utrinque tenuiter glanduloso-pilosa, crassa. Capitula radiata, involucro campanulato c. 10 x 7 mm, multa in pedunculis longis (c. 10-25 mm) glanduloso-pilosis in paniculam cymosam patentem disposita. Bracteae involucrales c. 18, c. 7 mm longae; eae calyculi c. 8, involucrum aequantes vel superantes, omnes glanduloso-pilosae. Flores radii 8-12, feminei, fertiles, limbo brevi (c. 9 x 3 mm), canarini; flores disci 5.5 mm longi, corolla inferne tubulosa superne campanulata 5-lobata flava glabra. Achenia non visa; ovaria 2 mm longa, glabra. Pappi setae numerosae, corollam aequantes.
Home