Herba perennis, 15-20 cm alta, radicibus anguste fusiformibus, caudice basibus foliorum delapsorum fibroso, caulibus florentibus plerumque simplicibus interdum prope basin furcatis e rosula foliorum solitariis sed j rosulis e caudice pluribus. Folia pro maxima parte radicalia, ad 15 cm longa plusquam dimidio longitudinis petiolari, basi expansa et vaginante, pilis paucis araneosis in petiolo et paucissimis minutis glandulosis in marginibus exceptis glabra; lamina anguste elliptica, ad 5 mm lata, apice obtuso vel subacuto, marginibus incrassatis minute calloso-denticulatis vel crenulatis; folia caulina similia, sursum mox lanceolato-acuminata, sessilia, in bracteas remotas transeuntia. Capitula radiata, solitaria, vel interdum ad 3 in pedunculis longis corymbosa. Involucrum campanulatum basi tenuiter lanatum; bracteae c. 14-16, 6-7 mm longae, discum plus minusve aequantes, glabrae, eae calyculi paucae glabrae vel ad margines minute ciliatae. Flores radii 7-10, limbo longo et patente, ut ei disci vivide lutei. Achenia c. 3.5 mm longa, fusiformia, costata, albo-sericeo-villosa.
Home