Herba perennis rhizomatibus tenuibus subterraneis ramosis tubera moniliformia ad 10 mm diam. praeditis. Caules simplices, solitarii, debiles, 10-250 mm longi, lana in axillis foliorum excepta glabri, inferne remote foliati, superne bracteati. Folia plerumque 4, interdum 3, glabra, 30-70 x 1.5-2.5 mm, linearia vel anguste lineari-lanceolata, apice acuto, basi angustata amplexicauli, marginibus revolutis compressis costae aequilatis, costa supra immersa subtus elevata, venis lateralibus infra tantum indistincte visis. Capitula radiata, plerumque solitaria interdum bina. Involucrum turbinatum; bracteae 8-12, 4.5-5.5 mm longae ciliis apicalibus paucis exceptis glabrae; bracteae calyculi paucae, parvae, glabrae. Flores radii 8-13, c. 12 x 1.5 mm; flores disci c. 4.5-5 mm longi; omnes vivide lutei. Ovaria 2.5 mm longa, glabra; achenia non visa. Pappus corollae aequilongus, copiosus, scabridus, albus.
Home