Herba perennis caudice robusto lignoso ad 10 mm diam.; caules floriferi ad lm alti, tenues, debiles, foliati, simplices, superne in inflorescentiam compositam tantum ramosi. Folia radicalia rosulata, usque ad 270 x 70 mm, ambitu spatulata in partem basalem petiolarem attenuata, lyrato-pinnatifida, lobo apicali rotundato, lobis lateralibus oblongis deorsum decrescentibus, sinubus rotundatis, marginibus leviter lobulatis et dentatis, utrinque parce et subscabride glanduloso-pilosa; folia caulina similia, sed sessilia, auriculato-amplexicaulia, lobis magnis rotundatis, sursum decrescentia ad oblongo-lanceolata et late cordato-amplexicaulia. Capitula discoidea, pauca vel multa in paniculam magnam apertam corymbosam ramis plus minusve divaricatis disposita. Involucrum turbinato-campanulatum; bracteae c. 8-12, 6-7 mm longae, glanduloso-pilosae; bracteae calyculi 2 vel 3, minimae. Flores purpurei. Achenia 3 mm longa, inter costas albo-pilosa.
Home