Herba perennis, summo caudice lanato et lana in axillis foliorum occulta (lana raro absente) excepta glabra; caules floriferi e caudice 1 vel plures, ad 60 cm alti, infra inflorescentiam compositam simplices, in dimidio inferiore foliati, superne bracteati. Folia 3-8, in parte caulis inferiore conferta, coriacea, abrupte in bracteas distantes transeuntia, plerumque 80-170 x 15-35 mm, summa et infima paulo minora, 4-8-plo latitudine longiora, lanceolata vel elliptica, apice subacuto vel breviter acuminato, basi cordato-amplexicauli breviter decurrente, marginibus paulo incrassatis integris vel minute et distanter calloso-denticulatis, nervis lateralibus paucis indistinctis. Capitula radiata, 3-15 in pedunculis longis paniculam corymbosam formantia. Involucrum turbinato-campanulatum, bracteae 8-13, 6.5-9 mm longae, floribus disci breviores; bracteae calyculi 1 vel 2, minimae. Flores radii plerumque 8, limbo c. 9-11 mm longo, ut ei disci vivide lutei. Achenia 3.5-5 mm glabra.
Home