Herba perennis, ad 60 cm alta, caudice tenui; caules florentes simplices, in inflorescentiam compositam tantum ramosi, tenuiter pilosi, tantum basin versus foliati. Folia pro maxima parte radicalia, c. 5.5-9.5 x 1-3.5 cm, infima late spatulata sursum oblonga deinde lanceolata decrescentia et celeriter in bracteas parvas lanceolato-acutas transeuntia, basi lata semiamplexicauli, apice rotundato vel obtuso, marginibus irregulariter et obscure serratis, utrinque pilis sparsis rudis patentibus induta. Capitula radiata, pauca, in panicula parva terminali, pedunculis remote bracteatis parce pilosis. Involucrum campanulatum; bracteae c. 20, 4.5-5 mm longae, glabrae; bracteae calyculi paucae lanceolatae, marginibus parce pilosis. Flores radii 8, limbo 5-6 mm longo, vivide lutei; flores disci vivide lutei. Achenia (juvenilia) 2.5 mm longa, pilosa.
Home