Herba perennis 15-30 mm alta, radicibus tenuibus cylindricis, caudice e basibus foliorum veterorum fibroso; caulis florens simplex, solitarius e rosula foliorum sed rosulis pluribus in caudice aggregatis. Folia pro maxima parte radicalia, ad 10 cm longa, circa dimidium longitudinis petiolare, basi expansa et vaginante interdum rubra; lamina anguste elliptica plerumque 2-3 mm lata, apice obtuso vel subacute marginibus incrassatis et dente calloso interdum praeditis, utrinque pilis paucis araneosis; caulina similia sursum mox sessilia, remota, in bracteas lanceolatas acutas transeuntia. Capitula radiata, solitaria vel binata in pedunculis longis. Involucrum campanulatum; bracteae c. 12, 6 mm longae, disco plus minusve aequales; bracteae calyculi paucae ut basis involucri tenuiter araneoso-lanatae. Flores radii 8, limbo longo et patente, et radii et disci vivide lutei. Achenia fusiformia, costis c. 10 pallidis prominentibus, glabra.
Home