Herba perennis, caudice lignoso vertice lanato; caules floriferi plerumque solitarii, c. 30-40 mm alti, infra ramos inflorescentiae simplices, lana in axillis foliorum occulta excepta glabri. Folia c. 3-6 basi caulis conferta, coriacea, in siccitate dura et rigida, plerumque 80-112 x 30-50 mm, obovata, apice abrupte contracto acutissimo mucronato, basi petiolari semi-amplexicauli angustata, marginibus incrassatis obscure et distanter calloso-denticulatis, venatione grosse reticulata utrinque prominente. Capitula radiata 2-20, corymboso-paniculata, pedunculis longis parce et minute bracteatis. Involucrum turbinatum; bracteae c. 12, c. 6 mm longae, floribus disci multo breviores, latae, coriaceae, nervis resinosis; bracteae calyculi vel absentes vel 1-2 minimae. Flores radii 8-10, limbo c. 8 x 3 mm ut ei disci vivide lutei. Achenia 4 mm longa, cupiformia, costata, villosa.
Home