Herba annua 10-75 cm alta, ramosa, pilis albidis articulatis glandulosis 1 mm longis viscosi-puberula. Folia lanceolata usque ad late lanceolata, grosse et acute dentata vel subpinnatilobata, 4-10 : 0.5-4 cm longa et lata, inferiora in petiolum angustata, superiora sessilia basi auriculata. Capitula laxe umbellati-paniculata, heterogama, lutea, pedunculis 1-3 cm longis insidentia. Involucrum late cylindricum vel subcampanulatum, 6-10 mm latum, subcalyculatum, squamis uniseriatis 16-20 lineari-lanceolatis, 5.5-7 : 1 mm longis et latis, anguste marginatis, glandulosi-puberulis. Flores radii 10-13, feminei, ligulati, lutei, tubo 3.5 mm longo, imprimis apicem versus pilis claviformibus sparsim induto, ligulis 6 : 2 mm longis et latis oblongis revolutis. Flores disci hermaphroditi, tubulosi, lutei, tubo 6 mm longo basi angustato, lobis 0.5 mm longis apice incrassato papillosis. Antherae stylusque generis. Achaenia cylindrica, 2-3 : 0.7 mm longa et lata, nigrescentia, pilis brevibus albidis pluriserialibus subdense induta, pappo 5 mm longo coronata.
Home