Herba perennis robusta; caules ad 60 cm alti, unus vel plures e caudice crasso lignoso, erecti, inferne simplices, superne ramis abrupte ascendentibus ramosi, e foliis decurrentibus distincte alati. Folia distantia, parva, linearia, usque ad 15 x 1 mm, mox marcescentia et caduca. Flores solitarii vel pauci ad apices ramulorum racemosim dispositi. Bracteae floribus breviores, lineari-lanceolatae, integrae, glabrae; bracteolae similes sed minores. Perianthium 2-3 mm longum; lobi tubo circa duplo longiores, lanceolati, subacuti, apicibus cucullatis dense barbatis. Antherae e tubo paulo exsertae, 0.75 mm longae, apicibus pilis perianthii affixae. Stigma fere sessile. Fructus subglobosus, c. 4 x 3.5 mm, costis 5 prominentibus 5 tenuioribus alternantibus, inter costas leviter reticulatus.
Home