Herba perennis, gracilis; caules unus vel plures e caudice crasso lignoso, erecti ad c. 40 cm, inferne simplices, superne parce ramosi, ramis abrupte ascendentibus, anguste alati. Folia remota, ascendentia, usque ad 181 mm, linearia, acuta. Flores aut solitarii aut in cymulis brevibus axillaribus trifloris, in racemos longos simplices dsipositi. Bracteae floribus longioribus brevioribusve, lanceolatae, acutae, glabrae; bracteolae similes sed minores. Perianthium 3 mm longum; lobi tubo paulo longiores, oblongo-lanceolati, obtusi, apicibus cucullatis barba apicali tenui et pilis marginalibus deorsum decrescentibus instructis. Stamina basi loborum orientia; antherae c. 1 mm longae, apicibus pilis perianthinis affixis. Stylus stigmate incluso c. 2 mm longo ad apices anterarum attingens. Ovarium placenta contorta. Fructus globosus, c. 3 x 3 mm, 10-costatus, inter costas leviter reticulatus.
Home