Thesium durum Hilliard & B.L.Burtt

Frutex pumilus, densus, durus, ramis teretibus interdum fere prostratis. Folia usque ad 2.5 x 1 mm, lanceolata, acuta vel acuminata, glabra, in ramulis juvenilibus imbricata apicibus plus minusve patentibus, in ramulis vetustis arte appressa dimidio superiore saepe sicco et brunneo. Flores aut solitarii terminales aut 2-4 terminales et axillares in ramulis nanis lateralibus c. 4 mm longis spicas densas formantibus. Bracteae floribus breviores, late lanceolatae, acutissimae, marginibus angustis hyalinis; bracteolae similes sed minores. Perianthium c. 2 mm longum; lobi tubo plus minusve aequales, late lanceolati, acuti, apice cucullato dense barbato. Antherae tubo semi-exsertae, c. 0.75 mm longae, apicibus pilis perianthinis affixis. Stylus stigmate incluso 0.5-1 mm longus. Ovarium placenta contorta. Fructus non visus.