Herba perennis, basi copiose ramosa, ramis ipsis iterum valde ramosis glabris rigidulis 15-30 cm longis conspicue anguloso-sulcatis. Folia numerosa, ambitu lineari-lanceolata vel linearia, 2-5 mm longa, basim versus latissima et ibi 0.5-1.25 mm lata, supra basim gradatim angustata, apice subulato-acuta et spinescentia, supra canaliculata, subtus conspicue carinato-costata, viridia sed costa marginibusque pallidioribus, marginibus ipsis minute papilloso-scabridulis. Inflorescentiae ramulos terminantes, numerosae, pauci-florae, brevissime spicatae, circiter 3-5 mm longae, saepe irregulariter aggregatae. Flores sessiles; bracteae bracteolaeque foliis supremis similes, 2-4 mm longae. Perianthium extra glabrum vel tantum perminute papillosum; lobi 4-5, 1.5-2 x circiter 0.75 mm, apice obtusi et cucullati, ibi intus rostro brevissimo vel si vis apice vero subdeflexo praedito, intus marginibus minute papillosis sed haud barbatis nec fimbriatis; tubus circiter 1 mm longus, satis conspicuus. Antherae circiter 0.3 x 0.1 mm, dorso basi loborum perianthii pilis affixae; filamenta circiter 0.5 mm longa. Stigma minimum, apice styli distincti 1.5 mm longi positum. Fructus subglobosus, circiter 2.5 mm diametro, longitudinaliter costatus necnon inter costas reticulatus.
Home