Thesium litoreum Brenan

Fruticulus circiter 30 cm altus, perennis, divaricatim ramosus, perianthio excepto omnino glaber; caules leviter sulcati, 0.75-2.5 mm diametro, glaucescenti-virides, serius brunnei et usque 3 mm diametro. Folia sparsa, lineari-oblonga, 3-6(-8) x 0.75-1.5 mm, apice acuta vel subacuta, dorso subcarinata, supra canaliculata, viridia, marginibus pallidioribus cum carina dorsali apicem versus minute papilloso-erosulis. lnflorescentiae irregulariter racemosae, 0.5-3 cm longae, terminales, necnon apicem ramorum versus ramulos laterales laxe aggregatos terminantes. Flores plerumque breviter (1-3 mm) pedicellati, sed flores terminales praesertim saepe multo longius (0.5-2 cm) pedicellati; bracteae bracteolaeque foliis supremis similes, 1.5-3 mm longae. Perianthium extra glabrum; lobi 4-5, circiter 2-2.25 x 0.75 mm, apice subcucullati et subacuti, intus apicem versus conspicue densissime albido-barbati, pilis ipsis deflexis, inferne brevius pubescentes; tubus subnullus. Antherae 0.4-0.5 x 0.3-0.4 mm, dorso liberae, haud pilis perianthio affixae; filamenta circiter 0.25 mm longa, basi loborum perianthii affixa. Stigma sessile. Ovarium circiter 1.5 x 2.5 mm Fructus ellipsoideo-subglobosus, circiter 2.5-3 x 2 mm, levissime costatus, aliter laevis.