Thesium nudicaule A.W.Hill

Frutex divaricato-ramosus, efoliatus vel fere efoliatus; rami subteretes, circiter 2 mm crassi, glabri. Folia superiora (vel bracteae?) bractiformia, ovato-triangularia, acute acuminata, circiter 1.5 mm longa et lata, squamiformia, apicibus nigrescentibus, marginibus fimbriato-ciliatis, ceterum glabra. Bracteae foliis squamiformibus similes; bracteolae plus minusve lanceolatae, acutae, floribus circiter dimidio breviores, marginibus angustissime membranaceis minute serrulatis. Perianthium 2 mm longum, glandulis conspicuis carnosis externis et disco interno instructum; segmenta triangulari-ovata, cucullata, 1.5 mm longa, marginibus tenuiter ciliatis reflexis. Antherae e perianthii tubo exsertae, 0-4 mm longae. Stylus 0.5 mm longus, ad antherarum medium attingens. Fructus stipitatus, ellipsoideo-globosus, stipite 2 mm longo, fere 6 mm longus, prominenter 10-costatus, inter costas crasse reticulatus.