Caulis erectus, non ramosus, glaber, 15-18 cm longus. Folia alterna, sessilia, solitaria, caulem dense investientia, anguste lanceolata usque subacicularia, apice subacuta atque aculeum unum gerentia, margine subincrassata, edentata, valde involuta usque tubulosa, cr. 6-8 mm longa, 0.5-1 mm lata. Flores fere sessiles, vel breviter pedicellati, pedicellis 1 mm longis, ovarium 3-Ioculare, subrotundum, basi subcuneatum, glabre, cr. 1 1/2 mm longum, item crassum; calycis laciniae anguste lanceolatae, elongatae, apice acutissimae, aculeum unum gerentes, margine subincrassatae, edentatae, non pilosae, involutissimae, cr. 3 mm longae, 1/2-3/4 mm latae; corolla subcampanulata, pauce laciniata, laciniis fere 1 1/2-plo longioribus quam latioribus, subacutis cr. 10 mm longa, laciniis 2 1/2 mm longis; filamenti basis anguste lanceolata, elongata, fere 7-8-plo longior quam latior; antherae elongatae, tenues, apice subacutae; stilus elongatus, gracilis, apice haud incrassatus, corollae fere 2/3 longitudine adaequans; stigmatis lobi 3, angusti, elongati, involuti, apice subacuti. Capsula 3-locularis late obovata, cuneata usque subrotunda, cuneata, glabra, cr. 2 mm longa, item crassa, parte superiore late conica, subacuta, calycis laciniis 1/5 longitudine adaequante.
Home