Caulis erectus a basi non ramosus, pilis brevibus dense obsitus, superne subramosus, glaber, cr. 20-23 cm longus. Folia fascicularia, fasciculis alternis, caulem Iaxe investientia, acicularia, linearia, apice acuta atque aculeos plures vel singulos gerentia, margine subincrassata, non dentata, glabra, involutissima, cr. 8-10 mm longa, 1/2 mm lata. Flores breviter pedicellati, pedicellis 7-10 mm longis, ovarium late obovatum, subcuneatum, non pilosum, cr. 1.5 mm longum, item crassum; calycis laciniae anguste lanceolatae elongatae, apice acutae, atque aculeum unum gerentes, margine incrassatae, edentatae, glabrae, subinvolutae, cr. 4.5 mm longae, 1/2 mm latae; corolla subtubulosa, pauce laciniata, laciniis fere duplo longioribus quam latioribus apice acutis, cr. 15 mm longa, laciniis cr. 4 mm longis; filamenti basis pauce triangulariter dilatata, non sinuata, elongata, 3 1/2-4-plo longior quam latior; antherae angustae, elongatae, apice subobtusae; stilus elongatus, apice tenuis, ad basin late tumida, corollae fere 2/3 longitudine adaequans; stigmatis lobi 3, angusti, longi, involutissimi, apice subobtusi. Capsula trilocularis, late obovata, subcuneata, non pilosa, cr. 2 mm longa, fere duplo crassior quam longior, parte superiore late conica, apice subobtusa, calycis laciniis 2/3 longitudine adaequante.
Home