Herba perennis stolonifera; stolones subterranei 1-2 mm diam.; caules 30-50 cm longi inflorescentiis inclusis, erecti vel decumbentes, simplices vel parce ramosi, omnino pilosi pilis patentibus ad 2 mm longis, dimidio vel triente inferiore crebre foliati, superne in inflorescentia parce bracteata abrupte transeuntes. Folia alterna, ascendenti-appressa, summa et infima paulo redacta, cetera 17-28 x 5.5-10 mm, lanceolata, acuta, basi lata amplectente, marginibus incrassatis undulatis remote denticulatis, utrinque tenuiter pilosa pilis ad 1-5 mm longis. Flores terminales, solitarii vel 2-3, pedicellis longis parce bracteatis. Calycis lobi foliacei, 9-13 x 3-4 mm, lanceolata, acuta, marginibus incrassatis undulatis dentibus crassis remotis praeditis, dorso pilosi, pilis ad 2 mm longis. Corolla late campanulata, tubo 6-7.5 mm longo, lobis 5, 17-20 x 11-13 mm ovatis acutis pallide calcareo-caeruleis. Stamina 5; filamenta parte basali dilatata 2-2.5 x 4-4.5 mm, parte superiore tereti 2 mm longa; antherae c. 5 mm longae. Ovarium 3-4 x 4 mm, triloculare; stylus 6.5-7 mm longus; styli rami 3, 3.5-5 mm longi, in sinubus inter ramos glandula praediti. Capsula non visa.
Home