Herba perennis multiceps pulvillos compactos usque ad 15 cm diam. et 6 cm altos formans, omnino glabra. Caules numerosi, basi ramosi et radicantes, superne iterum ramosi; ramuli 2.5 cm usque longi, 1.5 mm diam., inferne foliis delapsis cicatrosi, superne densissime foliati. Folia alterna, congesta, patentia, crassiuscula, carinata, oblongo-lanceolata, ad basin amplectentem minute glandulosum leviter dilatata, usque ad 9 x 2 mm, apice uncinata, margine integra vel dentibus 1-2 apicem versus instructa; costa supra immersa, subtus prominens. Inflorescentiae terminales 12 cm usque altae, 1-4-florae; pedunculus 8 cm usque, bracteis 2-3 minutis instructus, simplex vel superne semel vel bis ramosus, ramulis (pedicellis) 4.5 cm usque, bracteolis 1-2 minutis vel ebracteolatis. Calyx 5-partitus; segmenta; linearia, 2.5 x 1 mm, viridia medio dorso purpureo-zonata, apices versus minute glandulosa. Corolla tubo albo purpureo-lineato infundibuliformi, 4-5 mm longo ore 3-4 mm diam.; lobi 5 albi, lanceolati, 8 mm longi, superne recurvi. Stamina filamentis 2 mm longis applanatis, basin versus gradatim ampliatis; antherae anguste oblongae, 1.25 mm longae. Ovarium turbinatum, triloculare; stylus in corolla inclusus, teres, inferne glaber, superne glandulosus; stigmatis lobi 3, demum recurvi, extra glandulosi. Capsula (matura?) parte inferiore 3 mm longa summo 1 mm diam., parte superiore libera conica 1 mm alta valde 3-costata. Semina, vix matura, oblonga 1 mm longa.
Home