Planta perennis suffruticosa usque ad 22 cm alta in parte basali ramosa ramis saepe late expositis. Radix robusta lignosa nodosa, griseo-fusca ad fusca. Caulis in parte basali lignosus, subfuscus ad griseo-fuscus, saepe denudatus et phyllopodiis ornatus, superne laxe lanatus vel longe crispo-hirsutus, foliis alternis decurrentibus plerumque paene dense obtectus, viridis ad subfuscus. Folia alterna erecta caule inclinata ad adpressa vel patentia, anguste linearia acuminata vel lanceolata, in parte basali saepe angustata, uninervia, integra usque ad 9-16(-30) mm longa et 1.3-1.8(-2.5) mm lata margine longe setoso-ciliata, glabra vel laxe setoso-lanata, subviridia ad obscure olivaceo-viridia, semiamplexicaulia, decurrentia, plana vel subcrassa. Capitula parva saepe solitaria interdum bina; pedunculi aut distincti straminei 1-7 mm longi laxe lanuginosi 1-2 bracteis parvis obsiti aut indistincti et toti foliosi. Involucrum 3(-4)-seriatum turbinatum 6-8 mm altum et 7-9 mm latum. Involucri bracteate 16-22, imbricatae, late lanceolatae et membranaceae stramineae ± glabrae vel setis singulis basi incrassatis obsitae, plerumque vitta resinifera indistincta obsitae, interdum apice ciliato-dentatae et rubescentes; exteriores 5-6 x 1.0-1.5 mm, interiores 6.0-7.5 x 0.8 mm, margine scariosae interdum ciliatae. Flores radii feminei 8-11 rosacei, ligula late lineari ad obovata 6.5-7.0 x 2.6-3.4 mm, tubo glabro. Flores disci numerosi hermaphroditi 'female'-steriles. Corolla lutea angusta usque ad 4.5 mm longa, laciniis rectis interdum apice pilosis saepe rubescentibus margine resiniferis, tubo glabro; stylus bipartitus ramis 0.8-1.0 mm longis plerumque sterilibus anguste triangularibus ad obovato-cochleariformibus. Antherae 1.2-1.6 mm longae appendice anguste triangulari 0.4-0.5 mm longa. Ovarium sterile stramineum glabrum vel interdum laxe pilosum. Pappi setae 18-22 persistentes 4.5-5.0 mm longae flavescentes ad laete aurantiacae, in parte basali laxe breviter dentatae superne robuste semilonge crasso-cristatae, flores disci superantes. Achenia ± obovata 2.7-2.8 x 1.4-1.5 mm, subfusca, subcompressa ad subteretia, indistincte costata, facies et costae aequaliter breviter ad semilonge pilosae hirsutae. Pili 0.20-0.25 mm longi inflexi distincte inaequaliter bipartiti apicibus rotundatis, in parte basali saepe genuflexi, interdum breviter et obtuse bipartiti, mellei.
Home