Zyrphelis decumbens (Schltr.) G.L.Nesom

Suffrutex perennis, decumbens vel adscendens, ramosus; ramis nunc 5-10 cm longis, teretibus, hispidulis, foliatis; foliis oblanceolato-spathulatis, acuminatis, integris, utrinque hispidulis, basin versus angustatis subpetiolatis, 0.7-1 cm longis, supra medium 0.3-0.4 cm latis; capitulis graciliter pedunculatis, terminalibus, illis Mairia taxifoliae DC. aequimagnis; pedunculo subfiliformi 1.7-4 cm longo, hispidulo; involucro 0.5-0.6 cm longo, foliolis subbiseriatis, linearibus, acutis vel acutissimis, dorso obtuse carinatis, hispidulis; floribus radii c. 7-8, e basi filiformi-tubulosa, ligulatis, pallide roseis, oblongis obtusis, nunc 2-3-lobatis, involucrum excedentibus; floribus disci tubulosis, apice 5-fidis, 0.3 cm longis, lobis subtriangulis acutiusculis, erectis; filamentis filiformibus, antheris lanceolatis obtusiusculis, filamentorum longitudine, apicem corollae attingentibus; stylo filiformi, brachiis subulatis obtusis, brevibus, in floribus radii tubum paulo excedentibus; achaeniis oblongis, compressis, sericeo-pilosis, pappi setis plumosis.