Fruticulus gracillimus, erectus, fere totus glaber, 1-1 1/2-pedalis; caules plerique simplices rarius basi semel ramosi, leves, pallidi; folia alterna, sparsa, linearia, subacuta, subtus 1-nerva, parte inferiori ciliata dilatata semi-amplexicaulia, 2-3.5 cm longa, vix 0.1 cm lata; pedunculi subnudi 10-12 cm longi; bracteis 2-3, remotis, foliaceis, minimis, praediti; capitula turbinata vel cyathiformia, 0.85 cm longa, apice 0.95 cm lata; involucrum 4-seriale, serie interiori e squamis 13, cuneato-oblongis, obtusis, levibus, flavescentibus, obscure nervatis, parce ciliatis, condita, ceteris paucioribus sub-similibus, brevioribus; receptaculum alveolatum; flores radii circ. 14, ligulis oblongis, tridentatis, lilacinis, circ. 0.7 cm longis, achaeniis levibus, glabris, pallidis, pappo pleroque carentibus, vel rarius setis 2-3 coronatis; flores disci circ. 50, flavi, plerique steriles, casu tamen rarissime unus alterusve fertiles, pappo e setis paucis barbellatis.
Home