Herba erecta hemiparasitica in vivo laete viridis in sicco nigrescens; caulis subterraneus simplex, 4-10 cm longus, glaber, intense aurantiacus, foliis paucis aurantiacis squamiformibus; caulis aerieus simplex vel ramis uno vel duobus brevibus prope basin praeditus 3-10 cm altus, pilis patentibus albis acutis hispidus, crebre foliatus. Folia opposita et decussata, erecto-patentia, 4-15 x 5-10 mm sursum majora, ovato-orbicularia, obtusissima, subsessilia, marginibus integris raro dentibus uno vel duobus obtusis, utrinque minute puberula, marginibus et costa in pagina inferiore pilis patentibus acutis ornata, textura crassa, venis immersis, in siccitate manifeste trinervia. Bracteae foliaceae, sursum decrescentes, lineari-spathulatae, cetera foliis similes. Flores sessiles. Calyx campanulatus, c. 10 x 7 mm; lobi 5, 5 x 3.5 mm, late triangulares, in marginibus et medio extra hispidi intus glabri. Corolla bilabiata, flavida venis intensioribus; tubus late infundibuliformis, c. 8 mm longus, fauce 7 mm diametro, extra pilis paucis minute glanduloso-capitatis praecipue sub sinubus praeditus; lobi duo superiores 8 x 7 mm, suborbiculares, 3 inferiores similes sed minores, c. 6 x 5.5 mm Stamina 4, aequalia; filamenta 4 mm longa, interdum inferiora glabra vel pilis paucis debilibus patentibus in parte superiore induta et superiora glabra, interdum omnia in parte superiore dense pilosa; antherae muticae, thecis inaequalibus. Ovarium 3 x 3 mm, subglobosum; ovula pernumerosa; stylus 4 mm; stigma 4-5 mm longum, oblongo-lingulatum, curvatum. Capsula subglobosa, c. 7 x 7 mm, valvis 4 dehiscens. Semina c. 1.25 mm longa, elongato-turbinato; testa reticulata, diaphana, embryone minuto intus manifesto.
Home